பிஞ்சு கையால்
என் கண் மறைத்து
கண்ணாமூச்சி விளையாட்டு
அம்மாவின் புடவையில்
ஒளிந்து கொண்டு
ஓடிப்பிடித்து விளையாட்டு
தத்தித் தத்தி நடந்து
சிறிது தூரம் சென்ற பின்பு
லேசாய் திரும்பி பார்த்து,
பின்னால் நான்
தொடர்வதை கண்டு
எனக்கு போக்கு காட்டி
ஒரு விளையாட்டு
யாரிடம் கற்கிறாய்
என் செல்ல மகளே!
இந்த புது புது விளையாட்டுகளை
எப்போதும் நீயே ஜெயிக்கிறாய்
எங்கள் மனதை
கொள்ளை கொண்டு!
